NGĀ WAIATA A TE KURATINI O WAIKATO

E Kore Koe E Ngaro

Listen to the Waiata: click here
E kore koe e ngaro he kākano i ruia
Kākano a te Kaahu e tū nei e
Te Kōpū Mānia, te ngāwhā whakatupu
Ka tupu he tangata, rere ki te ao
Horahia Matariki, kūmea ngā waka
Herea ki te pou o te aroha e
Te Atairangikaahu, tāiri kei runga
Ko Kīngi Tūheitia ki te whenua e
Piki ake Tāwhaki, tāhūhū matapū
Ngā kete wānanga e toru e
Whītikitia rā, ka turuturu iho
E ko Te Kuratini o Waikato e.

Tēnei mātou

Waiata Video: click here

Tēnei mātou e tū atu nei
Ki te whakangahau i te ope nei
E te iwi
Auē, auē, puritia rā
Tō mana Māori e
Hei tohutohu i roto i tēnei ao
Ahakoa mātou kua riro nei
Ko te mana me te wehi kia mau e
Nō reira, e hoa mā
He wahine pai e kori atu nei
Auē e hine mā
Tukutuku tukua o taha e rua
Nō reira kia mau e

E Noho Tūheitia

E noho Tūheitia te hīri o Waikato
E huri tō kanohi ki te hauāuru
Ngā tai e ngunguru i waho o Te Ākau
Auē hei auē
Tō pikitanga ko Te Ao O Te Rangi
Tō heketanga ko Karioi maunga
Tō hoenga waka ko Whāingaroa
Auē hei auē
Takahia atu rā te moana i Aotea
Kia whatiwhati koe i te hua o te miro
Te tihi o Moerangi, te puke okiokinga
Auē hei auēPiua ō mata ki Kāwhia moana
Ki Kāwhia kai, ki Kāwhia tangata
Ko te kupu tēnā a ō tūpuna
Auē hei auē
E hoe tō waka ki Ngāruawāhia
Tūrangawaewae mō te ao katoa
Te tongi whakamutunga a Matutaera
Auē hei auē
Tāiri te aroha i a ha ha!
Toro mai ō ringa me aroha tāua
Auē hikitia! Auē hapainga!
Auē hei auē
Tīhei Mauirora hi!

Wairua Tapu

Wairua Tapu tau mai rā
Wairua Tapu mai i runga
Uhia mai ngā taonga pai
Homai tō aroha
Wāhia kia tika
Ākona mai rā kia ū ki te pai
Horoia kia mā tonu rā
Mōhou te tino korōria
Wairua Tapu tau mai rā
Wairua Tapu tau mai rā
Wairua Tapu tau mai rā

Pītotori e

Pītotori e
Whakatangatanga ki runga
Whakatangatanga ki raro
Kei pēhia koe
E ngā hau o te motu
E pupuhi mai nei i a haha!
Ka mate, ka mate
Ka ora, ka ora
Ka mate, ka mate
Ka ora, ka ora
Ka ora i te tuaitara
Kia mārama te oke
Kia mārama te oke
Ki Hui-te-rangiora
Ki te kāinga i whakaako au nei e Roto
Au, au, auē hā!

Anō Te Pai

Listen to the Waiata: click here

Anō te pai, te āhuareka e
Te nohonga o ngā tēina
O ngā tuākana, kotahi ana rā
I roto i te ara pai
Kei te toimairangi o Heremona
I ngā maunga o Hiona
I whakahauātia te kupu a te Atua
Hei ora mō ake tonu e

Ka waiata ki a Maria

Listen to the Waiata: click here

Ka waiata ki a Maria
Hine i whakaae
Whakameatia mai he whare tangata
Hine pūrotu, hine ngākau
Hine rangimārie
Ko te whaea, ko te whaea
O te ao

Waiata 1

Listen to the Waiata: click here

Ngā whakamoemiti, whakawhetai, e Ihu e
Mo au manaakitanga, ki te iwi e tau nei
Ko koe te piringa, ka puta ki te oranga
E te ariki, pai marire
E te ariki pai marire.

Waiata 2

Listen to the Waiata: click here

Tō tātou waka, ko te rangimarie
Ngā hoe o runga
Ko te puna o te aroha
Ko te puna o te aroha.

Waiata 3

Listen to the Waiata: click here

*Te aroha, te whakapono
Me te rangimarie
Tātou, tātou e**
(repeat *- ** once)

Pupuke Te Hihiri

Piki ake e tama e Hine
I te ahurei o te Kuratini o Waikato
He mātāpono whakaū kounga
Ka whakaata i te angitū

Pupuke te hihiri
Pupuke te mahara
Pupuke te wānanga a te Kore

Nō ngā kete i pikihia e Tāwhaki
He wairua, he mauri, he mana, he reo
He māramatanga, he mātauranga
He iho o te ahurea

Purea Nei

Purea nei e te hau
Horoia e te ua
Whitiwhitia e te rā
Mahea ake ngā pōraruraru
Makere ana ngā here

E rere wairua e rere
Ki ngā ao o te rangi
Whitiwhitia e te rā
Mahea ake ngā pōraruraru
Makere ana ngā Here-turi-kōkā

Me Whakaiti Tātou

Me whakaiti tātou ki te reo karanga
Whoatu te aroha (x2)

Ko tō tātou hiahia, kia pai te noho
Ki tēnei kāinga, he kāinga mahana

Pua Te Kōwhai

Pua te kōwhai
Ngawhā te kōrari
He tohu kōanga
Tau mai e Tui ki tō kāpunipuni
Honihoni, kohikohi
Hei oranga, hei rongoā
Pania te kiri ki te kōwhai kura
E Tui haurangi i te tākoha o te Atua
Rere atu, hoki mai
Parea te ua kōwhai
Ka whiti mai te rā e

I Te Whare Whakapiri

Listen to the Waiata: click here

I te whare whakapiri a Tāne
Roto te Kuratini o Waikato
Ka puta ngā mamaetanga
Rere iho ko ngā roimata
Auē, te arohanui

Homai, homai taku Māoritanga
Whāngaihia mai tōku reo tuku iho
He kaiwhakaoho i tōku wairua

Kua ngaro te korekore
Puāwai ana ko ahau
He Māori tū tangata

He aha kei taku uma?

Listen to the Waiata: click here

He aha kei taku uma
E tuki nei ka mamae
He aroha pea ki te tau
Ka momotu ki tawhiti e
Auē te aroha
Auē te mamae
E pēhi kino iho nei
I ngā mōkai kiri e
E oho rangatahi, maranga mai!
Hāpaingia tō iwi e
Kia kaha, kia toa, kia manawanui
Ake, ake, kia kaha e

E Ihoa

Listen to the Waiata: click here

E Ihoa, hīpokina mai ahau
Kia mā tonu ai, kia ora tonu ai
Tōku ngākau
E Ihu, kia tapu tōu īngoa
Uhia mai tō korowai aroha
Ka koropiko ahau ki tō aroaro
Mā tō korōria kite ana tō mata
Kotahi atu te īnoi ki a koe e Ihoa
Wairua Tapu, nau mai rā

Ngā mihi

Waikato Te Awa

Listen to the Waiata: click here

Waikato te awa
Katohia, katohia he wai māu
Katohia he wai māu
Ka eke ki Te Pūaha o Waikato
Te awa; he piko, he taniwha
He piko, he taniwha
Kia tūpato rā kei tahuri koe
I ngā au kaha o Waikato
Whakamau tō titiro ki tawhiti rā
Ko Taupiri te maunga
Pōtatau te tangata
Te mauri o te motu e
E hoe tō waka ki Ngāruawāhia
Tūrangawaewae mō te Kīngitanga
Te tongi whakamutunga a Matutaera
Auē hoki auē

He Maimai Aroha nā Tāwhiao

Listen to the Waiata: click here

Ka mātakitaki iho au ki te riu o Waikato
Anō nei hei kapo kau ake māku
Ki te kapu o taku ringa,
Ka whakamiri noa I tōna aratau,
E tia nei he tupu pua hou.

Kia hiwa ake au I te tihi o Pirongia,
Inā hei toronga whakaruruhau mōna
Ki tōku tauawhirotanga.

Anā! Te ngoto o tōna ngāwhā
I ōna uma kīhai I ārikarika
A Maungatautari, a Maungakawa,
Ōku puke maunga, ngā taonga tuku iho:
Hoki ake nei au ki tōku awa koiora
Me ōna pikonga
He kura tangihia o te mātāmuri.

E whakawhiti atu ai I te kōpū mānia
O Kirikiriroa
Me ōna māra kai, te ngāwhā whakatupu
Ake o te whenua mōmona,
Hei kawe ki Ngāruawāhia,
Te huinga o te tangata.

Arā, te pae haumako, hei okiokinga mō
Taku upoko,
Hei tirohanga atu mā raro I ngā hūhā
O Taupiri.

Kei reira rā, kei te oroko hanganga o te tangata
Wāhia te tungaroa o te whare,
Te whakaputanga mō te Kīngi.